ГРИГУЛИС (Grigulis) Арвидс (1906 — Ладская — 1989) — Латвия халқ ёзувчиси (1976). Латвия ФА акад. (1978). «Шархловчининг хотиралари» (1929), «Танқид ва қалб» (1931), «Бўронга» (1946) ва «Настарин шохчаси» (1959) каби шеърий тўпламлари, «Қайси бандаргоҳ?» (1945), «Гарпетерах тарихи ҳақида» (1946), «Лой ва чинни» (1947), «Солдат шинели» (1955), «Болтиқ денгизи ҳайқирмоқда» (1957) ва б. пьеса ҳамда драмалари бор. Г. «Ёмғир ва шамол деразани қоққанда» (1965), «Шоира Камилла мактуби» (1981) романлари муаллифи. «Латиш адабий танқиди» (1 — 5 ж., 1956 — 64) тўпламларини тузган.