ГРИНЧЕНКО Вячеслав Александрович

ГРИНЧЕНКО Вячеслав Александрович (1938.21.9, Харьков вилояти, Красноград ш.) — опера хонандаси (бас). Ўзбекистонда хизмат кўрсатган санъат арбоби (1971), Ўзбекистан халқ артисти (1974). Навоий номидаги опера ва балет театри (1966 — 85), 1985 й. дан Москва филармонияси яккахони. Дон Карлос (Ж. Верди, «Дон Карлос»), Борис (М. Мусоргский, «Борис Годунов»), дон Базилио (Ж. Россини, «Севилья сартароши»), Кончак, князь Галицкий (А. Бородин, «Князь Игорь»), Вожак (А. Холминов, «Ҳаётбахш ўлим»), Пётр I (А. Петров, «Пётр Биринчи») ва б. партияларнинг мохир ижрочиси. Гринченко кенг диапазонли ва кучли овоз соҳиби. Ҳар бир образни ҳаққоний ифода этишга интилади. Ўзбекистон композиторлари (Г. Мушель, Б. Гиенко, А. Берлин ва б.)нинг камер-вокал асарларини ижро этган. Ҳамза номидаги Ўзбекистон Дав-лат мукофоти лауреати (1981).

Loading...