ГРОССМЕЙСТЕР (нем. GroBmeister — улуғ магистр, катта уста) — 1) шахмат ва шашкада энг юксак спорт унвони. Халкаро шахмат федерацияси 1949 й. дан, Халқаро шашка федерацияси 1948 й. дан халқаро Гроссмейстер унвонини таъсис этган. Ўзбекистонда Гроссмейстер унвонига сазовор бўлган 7 шахматчи ва 2 шашкачи истиқомат қилади (2001). Юртдошларим издан Георгий Аъзамов (1954 — 86) илк бор халқаро Гроссмейстер унвонини олган (1984). Рустам Қосимжонов энг ёш Гроссмейстер ҳисобланади (1997).
2) Католик черковида диний рицарлик ордени бошлиғи.