ГУРЛАН

ГУРЛАНХоразм вилоятидаги шаҳарча (1982—1992 йилларда шаҳар), Гурлан тумани маркази. Яқин т. й. станцияси Шовот — 20 км. Гурландан вилоят маркази Урганч ш. гача 36 км. Ўртача т-ра июлда 26—28°, янв. да —6°. Аҳолиси 24,0 минг киши (2002). Гурланда ҳокимият биноси, алоқа бўлими, меҳмонхона, 2 транспорт корхонаси, «Гурлантекс» ип газлама ва трикотаж кийимлар ф-каси, 7 умумий таълим мактаби, 8 кутубхона, маданият ва истирохат боғи, стадион, 2 касалхона, 4 поликлиника, дорихона бор.