ҲУРРИЯТ

«ҲУРРИЯТ» — ижтимоий-сиёсий ва ҳуқуқий йўналишдаги мустақил га-зета. 1997 й. янв. дан Тошкент ш. да ҳафтада 1 марта чоп этилади. Муассиси: Ўзбекистон Журналистлари ижодий уюшмаси. Газ. нинг «Журна-лист текшируви», «Текширув», «Ҳимоя», «Ҳуқуқ», «Фикр», «Му-лоҳаза», «Муносабат», «Жавоб», «Тафаккур», «Маърифат» каби рукнларида энг сара ва ўқишли мақолалар бериб борилади. Ижтимоий-сиёсий мавзуларда В. Алимасов, З. Исомиддинов, Х. Дўстмуҳаммад, Ў. Ҳайитов; ҳуқуқий мавзуда Ҳ. Олимжонов, А. Жонузоқов; маънавий-маърифий мавзуда О. Жўрабоев, Н. Ҳасанов, И. Убайдуллаевалар қизиқарли мақолалар билан мунтазам қатнашиб келмоқда. Адади 5000 нусха (2005).