ИЛЬМЕНЬ ТОҒЛАРИ — Жан. Уралдаги бир гуруҳ тизмалари (РФнинг Челябинск вилояти). Энг баланд жойи 748 м (Ильментов). Гранит, гнейс ва му-раккаб ҳамда турли минералогик таркибли жуда кўп пегматит ертомирларидан таркиб топган; бу ертомирларда ильменит, апатит, гранат, топаз ва б. (180 тача минерал) бор. Ён бағирлари ўрмон билан қопланган, водийларда ўтзор ва ботқоклар кўп. Ильмень тоғларида Ильмень қўриқхонаси ташкил этилган.