ИММЕРМАН (Immerman) Карл Лебрехт (1796.24.4, Магдебург — 1840.25.8, Дюссельдорф) — немис ёзувчиси, драматург, театр арбоби. Дюссельдорфдаги театр раҳбари (1832—37). Ижоди романтизмдан танқидий реализмга ўтиш даврининг намунасидир. Дастлаб шеърлар ёзган («Шеърлар» тўплами, 1822). Иммерман «Тироль фожеаси» (1827) драмаси, «Алексей» (1833) драматик трилогия ва «Эпигонлар» (1836), «Мюнхгаузен» (1838), «Эсдаликлар» (1840 — 43) каби ўткир ҳажвий романлар муаллифи. Театр бўйича илмий тадқиқотлари бор.