ИНГИБИТОРЛАР (лот. inhibeo – тўхтатаман, ушлаб тураман) , биологияда — тирик организмда, шунингдек, ҳужайрасиз системаларда ферментлар фаоллигини сусайтирадиган моддалар. Ингибиторларнинг табиий ва синтетик хиллари бор. Организмда моддалар алмашинуви маҳсулотлари табиий Ингибиторлар ва-зифасини ўташи мумкин. Ферментларнинг каталитик таъсирини ўрганиш, оқсиллар функционал гуруҳларининг табиати ҳамда моддалар алмашинувида ҳар хил ферментатив жараенларнинг аҳамиятини аниқлаш мақсадида Ингибиторлар кўп ишлатилади. Ингибиторлар катта амалий аҳамиятга эга. Мас, зараркунанда ҳашаротлар ва бегона ўтларга қарши курашда фойдаланиладиган заҳарли кимёвий моддаларнинг самараси бу моддаларнинг за-раркунандалар ҳаёти учун муҳим бўлган жараёнларни сусайтириши билан боғлиқ. Баъзи дориларнинг таъсир этиш меха-низми ҳам уларнинг организмдаги ферментатив реакцияларни тўхтатишига асосланган. Кенгроқ маънода «Ингибиторлар» термини мураккаб жараёнларни тухтатувчи ёки сусайтирувчи моддаларни ифодалаш учун ишлатилади (мас, ўсимликларнинг ўсиш ингибиторлари, коррозия ингибиторлари, кимёвий ингибиторлар).