ИНКУБАЦИОН ДАВР (лот. incubatum — тинч ётмоқ) , яширин давр, инкубация — инфекцион касаллик юққан пайтдан тортиб дастлабки белгилари пайдо бўлгунча ўтадиган вакт. Инкубацион даврда микроблар ва уларнинг токсинлари организмда кўпаяди ва тўпланади. Турли касалликларда Инкубацион даврнинг да-вомийлиги турлича. У одам организмининг аҳволи, инфекцияга қаршилик кўрсатиши, иммунитет бор-йўклиги, шунингдек, организмга кирган касаллик микробларининг микдори, виру-лентлигига, организмга кирган жойи ва б. сабабларга боғлиқ. Муайян касалликдан саклаш мақсадида Инкубацион даврни узайтириш мумкин. Аҳоли ўртасида юқумли касалликларнинг тарқалиш тезлиги Инкубацион давр узунлигига боғлиқ. Инкубацион даври қисқароқ бўлган инфекцион касалликлар (мас, грипп) И. д. и узун касалликларга нис-батан тезроқ тарқалади.
Инфекцион касалликнинг Инкубацион давр ини билиш ташҳис қўйиш ва касалликнинг юқиш манбаларини аниқлаш учун кат-та аҳамиятга эга. Инкубацион давр охирига яқин, касалликнинг рўйирост белгилари тўла намоён бўлгунча, мас, вабо, кўкйўтал, скарлатина, тепки, қизамиқ билан оғриган бемор касаллик микробларини ташқарига чиқараверади, демак, у И. д. охиридаёқтеваракатрофдагиларга хавф туғдиради, шунинг учун бе-морни ажратиб (алоҳидалаб) қўйиш зарур.
Безгак, зотилжам ва б. баъзи касалликларда Инкубацион даврдан кейин касаллик белгилари биратўла юзага чиқади. Ич терлама, қизамиқ, қутуриш ва б. касалликларда Инкубацион даврдан кейин характерли белгилар пайдо бўлгунча продромал давр ўтади.