ИНОЯТНОМА (араб, иноят — гамхўрлик ва форс, нома — хат, мактуб) — 1) подшоҳ, хон, амир, шунингдек, бошқа улуғ мансабдор кишилардан келган ва унда маълум илтифот баён қилинган мактуб;
2) 15—18-а. ларда бирор солиқ ва жаримадан озод қилинганлик ёки бирор имтиёз олганликни кўрсатувчи расмий ҳужжат;
3) Қўқон хонлигида нуфузли кишилар сафарга чиққанларида хон томонидан қатағон қилинган ер (қ. Кўруғ), ўрмон, кўл ва ҳ. к. дан йўл-йўлакай фойдаланиш учун берилган рухсатнома; 4) душманга қарши қуролли курашга чақирилган даъватнома.