ИНТЕГРАЛ ГЕОМЕТРИЯ — мат. нинг интеграллар ёрдамида бир жинсли геометрик объектлар (нуқталар, кесмалар, тўғри чизиқлар, уларнинг жуфтлари, эгри чизиқлар ва ҳ. к.) дан тузилган тўпламларда ўлчаш масалаларини ўрганадиган бўлими. Геометрик эҳтимолликларга тааллукди масалалар Интеграл геометрия ривожланишига туртки бўлади. «Интеграл геометрия» атамаси биринчи марта немис математиги В. Бляшке (Гамбург) ва унинг ходимлари асарларида пайдо бўлди (1935).