ИРИДОЦИКЛИТ (лот. iris – ей ва kyklos — айлана, itis — яллиғланиш) — кўз рангдор пардаси билан киприксимон таначасининг яллиғланиши. Ревматизм, сил, захм, стрептококк ва стафилококк инфекциялари, шунингдек, моддалар алмашинувининг бузилиши ва кўзнинг шикастланиши сабаб бўлади. Иридоциклитда бемор ёруққа қарай олмайди, кўзи ёшланади, қизаради, хиралашади ва қаттиқ оғрийди, қовоклари ши-шади; рангдор парданинг ранги ўзгаради, кўзнинг шох (мугуз) пардаси, шишасимон танаси ва гавҳари хирала-шади, кўз қорачиғи тораяди. Иридоциклитнинг олди олинмаса, гяаукомата олиб келиши мумкин. Даво: касалликка сабаб бўлган омилни бартараф этиш, маҳаллий даво, антибиотиклар, томир кенгайтирувчи дорилар ва ҳ. к. дан иборат.