ИСИТМА ТУШИРУВЧИ ДОРИЛАР — терморегуляция марказларига таъсир этиб, уларнинг қўзғалувчанлигини сусайтирадиган ва тери томирларини кенгайтирадиган дорилар. Бундай дорилар бадан сиртига кўпроқ қон келтиради, тер чиқишини оширади ва шу билан организмдан ташқарига иссиклик чиқишини кучайтиради (фенацетин, антипирин, амидопирин, анальгин, парацетамол, ацетилсалицил кислота — аспирин ва б.). Булар яллиғланишни камайтиради ва оғриқни босади. Иситма туширувчи дорилар кўпинча бирбири б-н, шунингдек, кофеин билан бирга ишлатилади, мас, анальгин + амидопирин + кофеин; ацетилсалицил кислота + фенацетин + кофеин ва ҳ. к. Бундан ташқари, реопирин (бутадион + амидопирин), баралгин (анальгин + питофенон + фенивериний) ва седальгин (кодеин + кофеин + фенацетин + ацетилсалицил кислота + фенобарбитал) деган препаратлар хам ишлаб чиқарилади.