ИССИҚЛИК НАСОСИ — иссиклик энергетика курилмаси. Вазифаси — паст трали иссиқлик бергич (мас, сув) иссиклик энергиясини юқори трали иссиклик қабул қилгичга узатиш. Иссиқлик насосининг ишлаши учун ташқи энергия (механик, электр, кимёвий) сарф бўлиши керак. Иссиқлик насосида содир бўладиган жараёнлар совитиш машинасида иш жисми амалга ошириладиган жараёнларга ўхшаш; лекин совитиш машинасида совуқ, Иссиқлик насосида иссиклик билан иш кўрилади. Иссиқлик насоси, асосан, юқори босимли конденсатор, паст босимли буглат-кич, компрессор ва дросселли вентилдан иборат. Расмда иситиш учун мўлжалланган Иссиқлик насоси схемаси берилган. Паст т-рада қайновчи суюклик (хлорометил, фреон, аммиак) т-раси унча юқори бўлмаган сув ҳавзаси иссиқлиги ҳисобига буғланади. Ажралган буғ компрессорда сиқилади ва иситиш ти-зимидаги иссиклик элтувчи (ишлатилган сув) совитиладиган юқори босимли конденсаторда конденсатланади. Суюклик дросселли вентилдан ўтиб, босими пасаяди ва буғлаткичга киради. Цикллар шу тарзда такрорланаверади. Иссиклик қабул қилгич ажраткичдан ўтган иссикликдан ташқари сарфланган энергияга тенг иссиқликни ҳам олгани учун Иссиқлик насоси электр, механик ёки кимёвий энергияни бевосита иссиқликка айлантирадиган қурилмаларга нисбатан анча самарали ҳисобланади. Иссиқлик насоси биноларни иситишда ва технология жараёнларида қўлланилади.