ИХРОЖ (Tithymalus zeravchanicus) — сутламадошлар оиласига мансуб кўп йиллик ўт. Бўйи 40 см ча, серпоя ва сербарг. Барглари наштарсимон, қисқа бандли, кетма-кет жойлашган. Гуллари оддий, тўпгули соябонсимон. Ме-васи кўсакча. Ўзбекистоннинг тоғли туманларида тошлар орасида ўсади. Тар-кибида смола, кислоталар, ошловчи ва б. моддалар бор. Табобатда сурги, иш-таҳа очувчи дори сифатида ҳамда яраларни даволашда ишлатилади.