ИЗЕНТАЕВ

ИЗЕНТАЕВ Жоллибой Танирберген ўғли (1943.29.2, Қўнғирот тумани) — рангтасвирчи рассом, Ўзбекистон БА нинг акад. (1997), Ўзбекистон халқрас-соми (2000). Республика рассомлик билим юрти (1966) ва Тошкент театр ва рассомлик санъати ин-тини (1974) тугатган. Нукус ш. бадиий ҳунар и. ч. устахонасида рассом (1974—79), 1979 й. дан Қорақалпоғистон рассомлар уюшмаси бошқаруви раиси ҳамда 1997 й. дан Ўзбекистон БА Қорақалпоғистон бўлимининг раиси. Изентаевнинг турли жанрларда яратилган асарларида Қорақалпоғистон табиати, манзараси, қорақалпоқ халқи, унинг дарди, кечаси, бугуни ўз аксини топган. Тарихий мавзудаги йирик асарлар («Умид йўлида», ва «Бегжап фожиаси», 1983), психологик портретлар («А. Жумамуратов», 1976; «Она портрети», 1978; «Автопортрет», 1980; «И. Юсупов», 1981; «А. Отабоев», 1982 ва б.), манзаралар («Хива. Чангли кун», 1979; «Кўҳна ўрганч. Бозор», 1979; «Баҳорда Нукус», 1982; «Қорақалпоғистонда куз», 1986; «Қизкетганда тонг», 1994; «Яшил ҳовли», 1994 ва б.), натюрмортлар («Қумғонли натюрморт», 1984; «Ниқобли натюрморт», 1987 ва б.) ва б. асарлар муаллифи. Орол муаммоларига бағишланган асарлар туркумини яратди («Мўйноқ. Қумдаги саксовул», 1988; «Кемалар қабристони», 1989; «Мўйноқ», «Чекинаётган денгиз туби», 1989 ва б.). Бердақ номидаги Қорақалпоғистон Давлат мукофоти лауреати (1983).