ЖЕННЕР Эдуард (1749-1823) – инглиз врачи, чин чечакка қарши эмлаш усулининг асосчиси. Сигир чечаги билан оғриб тузалган сут соғувчилар чин чечак б-н оғримаслигини аниқлаган. 1769 й. 14 майда 8 яшар Жеймс Фипс исмли болага сигир чечагини, бир ярим ойдан кейин одам чечагини эмлаган; бола чечак билан оғримаган. Бир неча ой ва бир неча йилдан кейин Фипсни яна қайта эмлаб чечакка қарши эмлаш мумкинлигини ва жуда яхши натижа беришини исботлаган. 1803 й. да Лондонда чечакка қарши эмлаш инти (Женнер ин-ти) очилди, Женнер умрининг охиригача унга раҳбарлик қилган.