КАРДАНЛИ УЗАТМА — валлари бир-бирига нисбатан параллел ёки ўзгарувчан бурчак остида жойлашган, етакчи валдан етакланувчи валга айланма ҳаракат узатадиган қурилма. Италиялик олим Ж. Кардано номи билан аталган. Карданли узатма кардан вал ва унинг учларига маҳкамланган карданли механизмлардан иборат. Асосан, автомобиллар, тракторларда шунингдек, айлантириш моменти етакчи кўприкдаги бош узатмага узатмалар қутиси ёки тарқатиш қутисидан узатиладиган бошқа транспорт машиналарда қўлланилади.