КАРЛИК, гаранглик — мутлақо эшитмаслик ёки қулоқнинг сўзни англай олмайдиган даражада «оғир»лиги. Карлик туғма ва ҳаётда орттирилган бўлиши мумкин. Ту ғ м а К. га бола туғилаётганда эшитув нервининг зарарланиши, ички қулоқ ёки эшитув нервининг ирсий ёки она юқумли касалликлар (грипп ва ҳ. к.) б-н оғриши натижасида ривожланмай қолиши, шунингдек, ҳомиладорлик даврида, хусусан, унинг биринчи ойларида онанинг турли дорилар ё спиртли ичимликлар ичиши сабаб бўладй. Ҳаётда орттирилган Карлик ўрта ва ички қулоқ, эшитиш нерви ёки бош мия эшитув марказининг яллиғланиш касалликлари, баъзи инфекцион касалликлар асорати, шунингдек, зарарли омиллар (мас, шовқин, вибрация ва б.) натижасида келиб чиқиши мумкин.
Давоси Карликнинг сабабига боғлиқ, у кўпинча касалланиш даражасига кўра олиб борилади. Эшитув нерви жиддий зарарланганда кар қулоқ тузалиши қийин. Қулоқ «оғир» бўлиб қолганда товушни кучайтирадиган асбоблар (эшитув аппаратлари)дан фойдаланиш мумкин. Болалар махсус мактабларда ўқитилади (қ. Карлар мактаби).