КАРНЕ Марсель (1909.18.8 — Париж — 1996) — француз кинорежиссёри. Психологик драма «Женни» (1936) унинг биринчи мустақил фильми. Карненинг асосий ижодий мавзуси — дунёнинг омонат, бекарорлиги ва инсоннинг адоватли дунёдаги бошпанасиз, ёлғизлик фожиаси бўлиб, бу мавзу «Қирғоқдаги туман», «Кечки мижозлар», «Райка болалари», «Тартиб ўрнатиш қотиллари» каби фильмларида намоён бўлди. «Жульетта ёки туш кўришга топилган Калит», «Тереза Ракен», «Ёлғончилар» ва б. ҳарбий йиллардан кейин суратга олинган энг яхши фильмларидир.