КАЦЕНОВИЧ

КАЦЕНОВИЧ Рауф-Рафаил Александрович (1920.7.9, Тошкент) — терапевт, кардиолог ва физиотерапевт. Ўзбекистон ФА акад. (2000), Ўзбекистонда хизмат кўрсатган фан арбоби (1968), тиббиёт фанлари д-ри (1964), проф. (1966). ТошТИ ни тугатган (1945). Бош туркман канали қурилишида 1-тиббиёт-санитария қисмининг бошлиғи (1951-53), Ўзбекистон соғлиқни сақлаш вазирлиги Саломатликни тиклаш ва физиотерапия и. т. ин-тида илмий котиб (1953-58), директор ўринбосари (1958—72), айни вақтда Тошкент врачлар малакасини ошириш ин-тида кафедра мудири. 1972 й. дан ТошТИ (1990 й. дан 2-ТошТИ) госпиталь терапия кафедраси мудири, Кардиология и. т. инти директори (1976—97), 1997 й. дан юракнинг ишемик касаллиги лаб. мудири. Каценович ревматизм, овқат ҳазм қилиш аъзолари касалликлари, юракнинг ишемик касаллиги, гипертония касаллигини аниқлаш ва даволаш усуллари устида илмий иш олиб борган. Курортология, физиотерапия ва юрак-томир системаси касалликларига оид асарлар муаллифи.

Ас: Применение антагониста кальция коринфара у больных стенокардией напряжения — некоторые аспекты изучения и оптимизации терапии, Т., 1994.

Loading...