КЕФИР — сигир сутидан тайёрланадиган сут кислотали парҳез ичимлик. Қаймоғи олинмай пастеризация килинган ёки ёғи олинган сигир сутидан ивитиб тайёрланади. Ўнга сут кислотали ва спиртли ачитиш жараёнини ҳосил қиладиган Кефир замбуруғида ёки махсус озиқ муҳитда таёрланган томизғи қўшиб ивитилади. Кефирнинг тайёр бўлиш муддатига кўра, чучук (бир кунлик), ўртача (икки кунлик), нордон (уч кунлик) хиллари бўлади. Кефир қанчалик узоқ, ивитилса, шунчалик кўп спирт (0,2 — 0,6 % гача), сут кислотаси ва карбонат ангидрид тўпланади. Сутни қайта ишлаш корхоналарида ёғли (3,2 % сут ёғи) ва кам ёғли (сут ёғи 0,05 % дан ошмайди) Кефирлар кўплаб ишлаб чиқарилади. Кефир даги сут кислота ва ачитувчи бактериялар ошқозон-ичакдаги зарарли микробларни йуқотишга ёрдам беради, қабзиятни бўшаштиради.