КЕЛИМАНЕ — Мозамбикнинг шарқий қисмидаги шаҳар. Замбезия провинциясининг маъмурий маркази. Аҳолиси 153,1 минг киши (1997). Ҳинд океанининг Мозамбик қўлтиғи соҳилидаги порт (четга шакарқанд, пахта, копра, тамаки, чой чиқарилади). Т. й. станцияси. Аэропорт бор. Озиқ-овқат, тўқимачилик, ёғочсозлик ва металлсозлик корхоналари мавжуд. Васко да Гама экспедицияси томонидан 1498 й. да ҳоз. Келимане ўрнида форт қурилган (1761 й. дан шаҳар мақомини олган). 18—19-а. ларда Келимане қул савдоси марказларидан бири бўлган.