КЕНИЯ

КЕНИЯ — Шарқий Африкадаги вулканик массив, баландлиги бўйича Африкада иккинчи ўринда (5199 м). Шар-кий Африка рифт зонасидан шарқроқда, лава платосидан кесик конус кўринишида кўтарилган. Ён бағирлари 1200 м баландликкача нам экваториал ўрмонлар б-н қопланган. 2000 м гача баландликдаги унумдор вулкан тупроқларида кофе, сизаль, банан платанциялари барпо қилинган. 3000 м баландликкача паст бўйли доим яшил ва игна баргли сернам тоғ ўрмонлари билан банд. Ундан баландроқда тоғ яйловлари, чўққиларда доимий қор ва музликлар бор. К. чўққиси ва унинг атрофлари миллий парк худуди таркибида.