КЕЙПТАУН, Капстад — ЖАРнинг жан.-ғарбий қисмидаги шаҳар, Яхши Умид бурни яқинида. Кап провинциясининг маъмурий маркази ва мамлакат парламентининг қароргоҳи. Ахолиси 1,9 млн. киши (1990-й. лар ўрталари, шаҳар атрофи б-н).
Кейптаунга 1632 й. да Ост-Индия компанияси асос солган. Кап мустамлакасининг маъмурий маркази бўлган. 1806 й. да инглизлар босиб олган. Жан. Африка Иттифоқи тузилгандан бошлаб (1910), унинг Кап провинцияси таркибида.
Кейптаун —транспорт йўлларининг йирик тугуни. Халқаро аэропорт бор. Африкадаги энг катта портлардан. Мамлакатнинг муҳим саноат, савдо-молия маркази. Машинасозлик муҳим аҳамиятга эга. Металлсозлик, кемасозлик, нефтни қайта ишлаш, вагонсозлик, ёғочсозлик, автомобилсозлик корхоналари бор. Цемент, тўқимачилик маҳсулотлари, консерва ишлаб чиқарилади, олмосга сайқал берилади. Ун-т, Жан. Африка музейи, Миллий галерея, астрономия расадхонаси, ботаника боги бор. 17 — 18-а. ларга оид меъморий ёдгорликлар сакланган. Кейптаун яқинида Африкада биринчи АЭС қурилган.