КИРХГОФ ҚОИДАЛАРИ — тармоқланган занжирнинг исталган қисмидаги ток кучини шу қисмлардаги берилган қаршиликлар ва қўйилган э. ю. к,лар бўйича аниқлашга имкон берувчи қоидалар. Ўтказгичларнинг тармоқланган электр занжиридаги ўзгармас ток ёки квазистационар ток (секин ўзгарадиган ўзгарувчи ток)лар ва кучланишлар орасидаги муносабатларни ифодалайди. 1847 й. да Г. Р. Кирхгоф аниқлаган.
Тармоқланган занжирда камида учта ўтказгич туташадиган ҳар қандай нуқта тугун деб аталади. Кирхгофнинг биринчи қоидасига кўра, ўтказгичларнинг учлари туташган нуқта (тугун) да учрашувчи ток кучлари 1к нинг алгебраик йиғиндиси нолга тенг: Ј Iк = 0, бунда к — тугунга келиб қўшилаётган ўтказгичлар сони. Тугунга келаётган токлар мусбат, ундан чиқаётганлари манфий деб ҳисобланади. Бу қоида электр зарядининг сақланиш қонунини акс эттиради. Кирхгофнинг иккинчи қоидасига кўра, ўтказгичларнинг тармоқланган электр занжиридаги ихтиёрий танланган ҳар қандай берк контурда занжирнинг тегишли қисмларидаги ток кучлари 1К нинг шу қисмлар қаршиликлари R га кўпайтмалари йиғиндиси мазкур контурдаги э. ю. к. лари йиғиндисига тенг, яъни X/tRk = X ek , бунда я-контурнинг тегишли қисмлари. Токнинг йўналиши б-н контурнинг йўналиши соат мили йўналиши бўйича бўлса ва э. ю. к. контур йўналишида ток ҳосил қилса, ток ва э. ю. к. мусбат, акс ҳолда эса улар манфий қийматга эга бўлади.