КЛЕСТИЛЬ

КЛЕСТИЛЬ Томас (1932.4.11, Вена) — Австрия федерал президенти. Вена иқтисодиёт ва ишбилармон маъмурлар ун-тини тугатган (1956). Австрия федерал канцлери бюросида иқтисодиёт ва тижорат департаменти (1957—59), Париждаги Иқтисодий ҳамкорлик ва тараққиёт бўйича ташкилот ҳузурида Австрия миссияси (1959—62), Австриянинг АҚШдаги элчихонаси (1962 — 66) ходими, Австрия федерал канцлерининг иқтисодий сиёсат ва ташқи савдо бўйича бюроси директори ассистенти (1966—69), Лос-Анжелес ш. да Австриянинг Бош консули (1969—74). Австрия ташқи ишлар вазирлигида БМТ департаменти раҳбари (1974—78). 1978—82 й. ларда Австриянинг БМТдаги, 1982— 87 й. ларда АҚШ ва Америка давлатлари ташкилотидаги элчиси. 1987—92 й. ларда Австрия федерал ташки ишлар вазирлигининг бош котиби, 1992 й. майдан Австрия Республикаси федерал президенти.

Loading...