КЛОСОН Жерард (1891, Мальта ороли — 1971, Лондон) — инглиз туркийшуноси. Қутб Хоразмийнинг Британия музейида сакданаётган «Муҳаббатнома» асарига тафсир ёзган (1928). Туркийшуносликка оид элликка яқин илмий иш эълон қилган. Луғатшунослик унинг фаолиятида алоҳида ўрин тутади. Навоий асарлари учун тузилган «Санглоҳ» луғатини (кенг изоқ, батафсил шарҳ ва иловалар б-н; 1960), «13-асргача бўлган туркий тилларнинг этимологик луғати»ни (1970) нашр қилдирган. Клосон «Санглоҳ»ни нашр қилдириб, эски ўзбек луғатчилик мактабини ўрганиш ишига катта ҳисса қўшган. Мазкур луғат Навоий асарлари тили, шунингдек, б. туркий тилларни ўрганишда муҳим манба эканлигини таъкидлаган. Олтойшунослик ишлари учун Индиана (АКШ) ун-тининг (1969), шарқшунослик фаолияти учун эса Лондон Осиё қироллик жамиятининг (1973) олтин медаллари билан мукофотланган.