«КОКТЕМ» (қозоқча — «Кўклам») — қозоқ мусиқали драма театри. 1989 й. 9 мартда Жиззах ш. да ташкил этилган. Театрнинг асосчиси ва бош реж. Турганбек Ашимов. Энг яхши спектакллари: «Ҳурматли Икс» (Тауссарова), «Айтари деген қайтари» (О. Аубакиров), «Қиз йигирмага тўлганда», «Она кўз ёши» (Т. Молдағалиев), «Қози корпеш-Баян сулу» (F. Мусирепов), «Чолдан чиққан чатоқ» (О. Аубакиров). Асқар Ашимов, Зада Кеншимбаева, Қидиртой Молдауметов, Рабиға Бисебаева, Сауле Имонбекова, Толғай Искаков, Арман Утабеков театрнинг етакчи актёрларидир.