КОЛЬ

КОЛЬ (Kohl) Гельмут (Хельмут) (1930.3.4, Людвигсхафен ш.) — ГФР канцлери (1982—98). Христиан-демократик иттифоқи (ХДИ) аъзоси (1947 й. дан), раиси (1973—76). Райнланд-Пфальц федерал ери бош вазири (1969—76). Германия бундестаги депутати (1976 й. дан). Бундестагдаги ХДИ ва Христиан-социал иттифоқи (ХСИ) бирлашган фракцияси раиси (1976—82). Коль даврида немис халқининг бирлашиш орзуси 1989 й. да Берлин деворининг қулатилиши билан ушалди. 1990 й. 12 сент. да Москвада Германия масаласини узил-кесил ҳал этиш тўғрисидаги шартнома имзоланди, ягона Германия давлати ташкил топди.

Loading...