«КОЛУМБИЯ» — АҚШ нинг кўп марта учиришга мўлжалланган, бортида астронавт-учувчиси бўлган транспорт космик кемаси. «Спейс шаттл» транспорт космик кема мажмуаси таркибига киради. «Колумбия»нинг биринчи нусхаси 1976 й. да йигила бошланган. Колумбия биринчи марта 1981 й. 10 апр. да Канаверал космик марказидан учирилган. Массаси 2000 т гача, ўз. 56 м. Кеманинг 1-босқичи қаттиқ ёқилғили рақста двигатели бўлган 2 та тезлаткичдан иборат; 2-(орбитал) босқичи бортида астронавти бўлган, қанотли бўлиб, орбитадан чиққандан сўнг «самолёт» режимида қўниш қобилиятига эга. «Колумбия»нинг орбитал босқичлари 1994 й. гача учириб турилган.