КОМИЛОВ Маҳаммаджон Комилович

КОМИЛОВ Маҳаммаджон Комилович (1917.12.3 – Тошкент – 2000.9.4) – кўз касалликлари мутахассиси. Ўзбекистонда хизмат кўрсатган фан арбоби (1977), Ўзбекистонда хизмат кўрсатган врач (1967), тиббиёт фанлари д-ри (1971), проф. (1971). Тошкент тиббиёт ин-тини тугатган (1939). 2-жаҳон уруши қатнашчиси (1940—46). Тошкент врачлар малакасини ошириш ин-ти кўз касалликлари кафедраси мудири (1957— 88), проф.-консультант (1988 — 90). Трахома, ўткир конъюнктивит, блефарит, кўз жароҳатлари, глаукома, катаракта, кўз қон томири касалликларини даволаш ва олдини олиш устида тадқиқотлар олиб борган. Ўзбекистон офтальмологлари илмий жамияти бошқаруви раиси (1957—90). «Жасорат» медали (1994) билан мукофотланган.

Ас: Трахома, Т., 1960; Диагностические ошибки в офтальмологии, Т., 1978.