КОНЦЕРТМЕЙСТЕР (нем. Копzertmeister — концерт устаси) — 1) симфоник оркестрпкнт етакчи скрипкачиси, соло мусиқа парчаларини ижро этади, баъзан дирижёр вазифасини ҳам ўтайди. Торли ансамбл (квартет, квинтет ва б.)ларда, одатда, бадиий ва мусиқий раҳбар ҳисобланади;
2) симфоник ва опера оркестрларидаги торли созлар (альт, виолончель ва б.) гуруҳларининг етакчи созандаси;
3) ижрочи-санъаткор (хонанда, созанда, балет артисти ва б.) га жўрнавоз пианиночи. Айни шу тоифадаги созандага бағишлаб, Ф. ЯновЯновский «Аккомпаниатор» (2001) номли моноопера яратди.