КОНУС КЕСИМЛАРИ — тўғри доиравий конус сиртнн унинг учидан ўтмайдиган текислик билан кесганда ҳосил бўладиган чизиқлар. SA ясовчи S дан фаркли ихтиёрий М нуқтани олиб, у орқали конус ўқига перпендикуляр а, текислик ўтказилса, кесимда а й л а н а , ST га перпендикуляр бўлмаган ва ҳамма ясовчиларни кесувчи а2 текислик ўтказилса — эллипс, бирор ясовчи (мас, 5В)га параллел бўлган а3 текислик ўтказилса парабола, иккита ясовчига параллел бўлган а4 текислик ўтказилса гипербола ҳосил бўлади. М нуқтадан ўтувчи ихтиёрий текислик учта ясовчига параллел бўла олмаганлиги сабабли, доиравий ко-нуснинг кесимида бошқа чизиқ ҳосил бўлмайди.
Кесим эллипс ва парабола бўлганда кесувчи текислик доиравий конус сиртнинг бир қисмини, гипербола бўлганда иккала қисмини кесиб ўтади. Конус кесимининг ихтиёрий М нуқтаси учун df.di нисбат ўзгармас бўлади. Бу нисбатнинг қиймати X конус кесимининг эксцентриситети дейилади. Конус кесимлари иккинчи тартибли чизиқлардир. Конус кесимлари ҳақидаги изчил асар биринчи марта искандариялик олим Апполоний Пергский томонидан ёзилган (мил. ав. 3-а.). 19-а. да бельгиялик математик Данделен Конус кесимларини конус сиртга ички чизилган сфера ёрдамида тўла ўрганган. Конус кесимлари астрономия ва техникада кенг қўлланилади. Мас, прожектор варефлекторларда параболик кўзгулар ишлатилади. Қуёш системасидаги сайёралар К. к. бўйлаб ҳаракатланиб, унинг фокусларидан бирида Қуёш туради. Кометалар парабола ва гипербола бўйлаб ҳаракатланади.