КЎПЕР (Cooper) Леон (1930.28.2, Нью-Йорк) — америкалик назариётчи-физик. Колумбия ун-тини тугатган (1951). Илмий ишлари қаттиқ жисмлар физикаси, паст т-ралар физикаси, ўта ўтказгич ва физика фалсафасига оид. 1956 й. да кристалл панжарасининг тебранишларидан юзага келадиган ўзаро тортишиш натижасида металлдаги эркин электронларнинг жуфт бўлиб бирлашиши (Кўпер эффекти) ни аввалдан айтиб берган. Ўта ўтказувчанликнинг микроскопик назарияси муаллифларидан бири (1957). Нобель мукофоти лауреати (1972; Ж. Бардин ва Ж. Р. Шриф-фер билан биргаликда).