КОПУЛЯЦИЯ (лот. copulatio — қўшилиш) — копулятив органларга эга бўлган ҳайвонлардаги жинсий акт, шунингдек, бундай органларга эга бўлмаган организмларнинг (мас, гаттерия, ёмғир чувалчанги) жинсий кўпайиши вақтида иккита индивиднинг ўзаро қўшилиши. Ташқи томондан деярли ёки бутунлай фарқ қилмайдиган (изогаметалар) иккита жинсий ҳужайра (ёки индивид)нинг қўшилиш жараёни ҳам Копуляция деб аталади. Агар эркак организм гаметаси урғочи организм гаметасидан кескин фарқланса, у ҳолда бу гаметаларнинг қўшилиши уруғланиш деб аталади.