КЎРЛИК, сўқирлик, кўз о ж и з л и г и — кўриш қобилиятининг бутунлай йўқолиши, ёруғликни қоронғиликдан ажрата олмаслик. Бунда кўриш ўткирлиги «0» бўлади, буни даволаш имкони деярли йўқ. Ёруғликни қоронғиликдан ажрата олмайдиган абсолют К. ва кўриш қобилияти бир оз сақланган н и с б и й К. фарқ қилинади. И. ч. ёки касбга алоқадор Кўрликка учраган кишилар нисбий кур ҳисобланади. Ёруғликни сезиб, ҳатто унинг қайси томондан тўшаётганлигини билса ҳам, бировнинг ёрдамисиз уйидан ташкарига чиқа олмайдиган одам кур ҳисобланади. Шунинг учун турмушдаги Кўрлик деб аталадиган Кўрлик анча кенг. Бундан ташқари, ишлаб чиқаришдаги Кўрликда киши ҳар қандай оптик асбоб (кўзойнак, лупа ва б.) ёрдамида ҳам кўрмайди. Бирор касб эгасининг кўзи жуда хиралашиб, ўз ишини (ақлий меҳнат билан шуғулланадиган кишиларнинг уқиш ва ёзишни) давом эттира олмай қолиши к а с б г а алоқадор Кўрлик деб аталади.
Кўрлик туғма ва орттирилган бўлади. Туғм а К. бош миянинг айрим бўлақлари, кўриш нервлари, кўз тур пардаси ривожланишининг бузилиши оқибатида вужудгакелади. Орттирилган Кўрлик кўз касалликлари (глаукома, трахома, кератит, кўриш нервларининг зарарланиши ва б.), шунингдек, кўз косаси ва бош мия шикастларидан сўнг пайдо бўлади. Кўрликнинг олдини олишда кўз соққаси, кўз касалликлари, хусусан, глаукомани барвақт аниқлаш муҳим. Кўпчилик кўр кишилар кўрлар мактабида таълим оладилар ва фойдали меҳнат билан шуғулланадилар.