КОРНЕЛЬ (Corneille) Пьер (1606.6.6, Руан — 1684.1.10, Париж) — француз драматурги, классицизмнинг асосчиларидан бири. Франция академиясининг аъзоси (1647 й. дан). Ижодининг дастлабки даврида («Мелита», «Бева» ва б.) комедиялар ёзган (1969-36). «Сид» (1637), «Медея» (1639), «Горация» (1641) каби трагедиялари машхур. Корнель бу асарларини яратишда антик давр ижодкорлари асарларига, шунингдек, муайян тарихий воқеалар ҳамда тарихий шахслар фаолиятига таянган. Бундан ташқари, Корнель «Йинна ёки Август марҳамати» (1643), «Помпейнинг улими» (1644), «Ирақлий ёки Шарқ султони» (1647), «Эдип» (1659), «Оттон» (1665), «Аттила — хуннлар шоҳи» (1667), «Тит ва Береника» (1677) ва б. драмалар муаллифи. Асарларида француз классицизми яхлит ҳолида намоён бўлган. Драматургия тўғрисида «Муқокама» (1660) номли илмий-назарий асар ҳам ёзган.