КОТТЕЖ (инг. cottage — деҳқон уйи) — бир оилага мўлжалланган, асосан, икки қаватли қилиб қурилган ҳовлили уй. Коттежнинг 1-қаватида меҳмонхона, ошхона ва б., 2-қаватида ётоқхона, дам олиш ва ювиниш хоналари жойлашади, иккала қават ўзаро ички зина билан бирлаштирилади. Асосан, 16-а. охири 17-а. бошларида Англияда қурила бошлаган, кейинчалик Скандинавия, АҚШ ва б. жойларда кенг тарқалган. Ўзбекистонда 1940-й. лардан қурила бошлаган. Тошкентда Коттеж қурилиши, асосан, 1966 й. даги зилзиладан сўнг авж олди.