КВАРТЕТ

КВАРТЕТ (лот. guartus — тўртинчи) — I) 4 созанда (ёки хонанда)дан иборат ансамбль. К. таркиби жиҳатидан бир хил (торли ёки пуфлама созлар) ҳамда аралаш (торли ва пуфлама созлар ёки торли созлар ва фортепиано) бўлиши мумкин. Камер-чолғу ансамбллар ичида торли созлар Квартети (2 та скрипка, альт ва виолончель) кенг тарқалган. Эстрада санъатида ҳам Квартет ансамбллари кенг ўрин олган: «Битлз» (Англия), «АББА» (Швеция), «Орера» (Грузия), «Сидериз» (Ўзбекистон) ва б. ;

2) 4 созанда, баъзан 4 хонанда учун ёзилган камер мусиқа асари. Ўзбекистон композиторларидан Б. Гиенко (9 та, 1945—95), Ик. Акбаров (6 та, 1963—88), шунингдек, Д. Соатқулов, Сайфи Жалил, Э. Солиҳов, Н. Ғиёсов, Д. Янов-Яновский ва б. нинг Квартет лари мавжуд.

Loading...