ЛОПОЛИТ (юн. lopas — товоқ ва lithos — тош) — магматик тоғ жинсларининг ўртаси чўккан ва чеккалари кўтарилган ясси товоқ кўринишида ётиши. Ҳозирда Лополитнинг кўндаланг кесими воронкасимон ва ички структураси товоқсимон эканлиги аникланган. Л. Ер пўстига сингган магма ер юзасига яқин келса ва Лополит юзасини қоплаган чўкинди жинслар магма ўчоғи зонаси томон эгилганда юзага келади. Яна қ. Тоғ жинсларининг ётиши.