ЛОРЕНТЦ (Lorentz), ЛоренцХендрик Антон (1853.18.7, Арнем — 1928.4.2, Харлем) — голланд назариётчи физиги. Лейден ун-тини тугатган (1872), шу ун-т проф. (1878 – 1923), Харлемдаги Тейлор инти директори (1923 й. дан). Илмий ишлари назарий физикага оид. Ж. К. Максвеллттт электромагнит назариясига асосланиб, электрон назарияни яратган, кўпгина электр ва оптик ҳодисаларни, хусусан, Зееман эффектини тушунтириб берган; ёруғлик дисперсиясини, ёруғликнинг синиш кўрсаткичи ва қутубланувчанлиги орасидаги боғланишни аниқлаган; электромагнит майдонда ҳаракатланаётган зарядли заррага таъсир этувчи куч (Лорентц кучи) ифодасини келтириб чиқарган; Л. — ҳаракатдаги муҳитлар электродинамикаси асосчиси. Нисбийлик назарияси асосида ётган ва унинг номи билан аталадиган ко-ординаталарни алмаштириш (қ. Лорентц алмаштиришлари) ни ишлаб чиққан. Нобель мукофоти лауреати (1902; П. Зееман билан ҳамкорликда).