МАРАКАЙБО — Венесуэладаги кўл, Кариб денгизининг Венесуэла қўлтиғидан жан. да, қўлтиқ билан саёз (2—4 м) бўғоз билан боғланган (бўғоз орқали уз. 8,7 км ли кўприк қурилган). Маракайбо гарбда Сьерраде-Периха ва шаркда Кордильера-Мерида тоғ тизмалари оралигидаги ботиқда жойлашган. Майд. 16,3 минг км2 (баъзи маълумотларга кўра, 13,3 минг км2). Чуқ. 250 м гача. Соҳил кисми ботқоклашган пасттекислик. Маракайбога 50 дан ортиқ дарё қуйилади. Дарё оқизиқларининг жуда кўп келиб тушиши натижасида кўл майдони кичрайиб бормоқда. Кўл суви жан. қисмида чучук, шим. да шўрроқ. Маракайбода кема қатнайди. Кўл ҳудудида йирик нефть конлари топилган. Ғарбий соҳилида Маракайбо порти жойлашган.