МАРЕК КАСАЛЛИГИ — паррандаларнинг нейролимфоматози, фавқулодда пайдо бўладиган ва ўта юқувчан контагиоз вирусли касаллик. Саноат паррандачилиги ривожланган барча давлатларда кенг тарқалган. Асосан, товуқлар касалланади, лекин курка, тусто-вуқ, бедана ва б. паррандаларда ҳам учрайди. Ўткир кечганда ички органлар, тери ва мушакларда лимфоретикуляр тўқималарнинг ривожланиб купайиши, сурункали кечганда эса периферик нерв томирларининг зарарланиши, куз шох пардасининг ранги ўзгариши ва кррачиқнинг деформацияси билан тавсифланади. Паррандаларда умумий ҳолсизлик, ориқлаш, жунжикиш, қанот ва оёқларида парез ва паралич кузатилади, кўзи кўрмай қолади.
Сўйилган касал парранда маҳсулотлари, парвариш предметлари юқиш омиллари ҳисобланади. Ташҳис эпизо-отологик (вирусологик ва серологик) текширишлар натижасида қараб қўйилади. Давоси топилмаган.
Олдини олиш: паррандаларни парвариш қилишда ветеринария санитарияси ва зоогигиена қоидаларига қатъий риоя қилиш; инкубация учун тухум фақат соғлом хўжаликлардан олиниши зарур. Бир суткалик жўжаларни вакцина билан эмлаш иқтисодий зарарнинг кескин камайишига олиб келади.
Ҳошим Нурмаматов.