МЕҲНАТ ВОСИТАЛАРИ — и. ч. да меҳнат предметига таъсир кўрсатишда инсон фойдаланадиган воситалар. Меҳнат воситаларига и. ч. жараёни учун зарур бўлган ҳамма моддий шароитлар киради (машина ва ускуналар, асбоб ва мосламалар, корхона биноси, шу бино жойлашган ер, алоқа, юк ташиш воситалари ва ҳ. к.). М. в. дан энг муҳими и. ч. қуроллари бўлиб, улар машиналар, станоклар, асбоб-ускуналар ва б. дан иборат ва Меҳнат воситалари орасида ҳал қилувчи ўринда туради.