МЕКЛЕНБУРГ-ОЛД ПОМЕРАНИЯ — Германия ери. Мамлакатнинг шим.-шарқий қисмида, Болтиқ денгизи со-ҳилида жойлашган. Майд. 23,2 мингкм2. Маъмурий маркази — Шверин ш. Аҳолиси 1,8 млн. киши (2000). М.О. П. да аҳоли нисбатан сийрак. Табиий ландшафти сақгсаниб қолган. Рельефи сертепа, яйлов ва ўрмонлар бор. Энг катта дарёси — Эльба. Кўл кўп булгани учун «Минг куллар ери» деб аталади. Энг йириги — Мюриц кўли (майд. 117 км2). М.-О. П. да 250 дан ортиқ табиий ва ландшафт қўриқхоналари ташкил этилган, 3 миллий боғ бор. Олд Померания узок, вакт Швеция ҳукмронлиги остида бўлган, кейинроқ Пруссия таркибига ўтган. Мекленбург Германия империяси таркибидаги мустақил ҳудуд эди. М.-О. П. ери 2-жаҳон урушидан сўнг собиқ Германия Демократик Республикаси таркибида ташкил этилган, бироқ тез орада 3 округга ажратиб юборилди. 1990 й. да яна ГФР таркибидаги ер қилиб тикланди.
М.-О. П. хўжалигида қ. х. етакчи тармоқ. Деҳқончилик ва чорвачилик ривожланган. Денгиз ва даре сувларидан балиқ овланади. Соҳилбўйида шарқий р-нларнинг кема верфи ва кемасозлик корхоналари жойлашган. Туризм ривожланган. Йил давомида 10 млн. дан ортиқ сайёҳ келиб-кетади. Йирик шаҳарлари — Росток, Шверин.