МЕЛИОРАТИВ ГИДРОГЕОЛОГИЯ — гидрология фанининг бир тармоғи; қ. х. экинларининг ҳосилдорлигига ва ернинг мелиоратив ҳолатига ер ости сувларининг таъсирини ўрганади. Мелиоратив гидрогеология гидрология фани методларига асосланади. Ернинг шўрланиши ва захлаши оқибатларини тадқиқ қилади, ер ости сизот сувларининг сатҳини пасайтириш ва маълум бир ҳолатда сақлаб туриш ҳақида тавсиялар беради (қ. Мелиорация).
Ад.: Крылов Мелиоратив Гидрогеология, Основы мелиоративной гидрогеологии Узбекистана, Т., 1975; Ходжибаев Н. Н., Гидрогеолого-мелиоративное районирование (на примере Средней Азии), Т., 1975.