МЕТАМОРФИК тоғ ЖИНСЛАРИ — аввал чўкинди ёки магматик жинс си-фатида вужудга келган, лекин Ер қаърида чуқур флюидлар, т-ра ва босим таъсирида ўзгарган (метаморфизм) ёки ер юзасига яқин қатламда ичига кириб борган интрузив массалар иссиғидан ўзгаришга учраган тоғ жинслари. Бунда жинсларнинг кимёвий таркиби деярли ўзгармайди. Чўкинди ва отқинди жинслар метаморфизмидан вужудга келган пара-, ва ортометаморфик жинслар фарқ қилинади. Метаморфик тоғ жинсларидан сланец, гнейс ҳамда мармар, кварцитлар, роговиклар кўп тарқалган. Метаморфик тоғ жинсларининг таркиби физик-механик хусусиятлари каби ҳар хил. Карбонатли Метаморфик тоғ жинсларидан мармар, кальцифирлар, катаклизитлар алоҳида ўрин эгаллаган. Скарн, оҳактошсиликатли жинсларнинг метаморфик ўзгаришига гидротермал суюқликлар сезиларли таъсир кўрсатган. Катта аҳамиятга эга бўлган темир, мис каби рудали конлар скарн типига мансуб. Регионал метаморфиз-мда ҳосил бўлган Метаморфик тоғ жинслари кучли босим таъсирида варақсимон қатламлашган. Катта чуқурликда вужудга келган эклогитлар гранат-жодеит тоғ жинсларидан иборат. Лойқа жинслардан ҳосил бўлган филлитлар остида хлорит, гранатбиотитлар, слюдали сланецлар, ундан пастрокда гнейс ва гранулитлар жойлашган. Метаморфик тоғ жинслари нингаксарияти фойдали қазилмалардир.