МЕТГЕМОГЛОБИН, MtHB (мета… ва гемоглобин) , гемиглобин, ферригемоглобин — оксидланган гемоглобин; бунда кислород гемоглобин таркибидаги темир билан мустаҳкам бирикиб, ўзидаги кислородни тўқималарга ажратиб чиқара олмайди. Натижада кислородга ёлчимаслик — гипоксия ҳолати юзага келади. Соғлом киши эритроцитлари таркибида Метгемоглобин жуда оз микдорда (0,1 — 1%) бўлади. Организм турли кимёвий моддалар ёки дорилардан заҳарланганда қонда Метгемоглобин микдори ортади (метгемоглобинемия). Бундай ҳолларда тез толиқиш, бош оғриғи ва кўкариш (цианоз) аломатлари юзага чиқади.