МОНТЕВЕРДИ (Monteverdi) Клаудио Жованни Антонио (тахм. 1567.15.5, Кремона — 1643.29.11, Венеция) — итальян композитори. Опера жанрининг илк классик намуналарини яратган, биринчи оммавий опера театри (1637, Венеция) ташкилотчиларидан. Мантуя ва Венеция ш. ларида хонанда, созанда, капелла бошлиғи сифатида хизмат қилган. Франция ва б. Европа мамлакатларида ижодий сафарларда бўлган. Асосан, полифония услубида вокал ва хор асарларини ижод қилиб, мадригал жанри устаси сифатида шуҳрат қозонган. 1587—1638 й. ларда нашр эттирган мадригалларининг 8 та тўпламида янги, «ҳаяжонли» мусиқийдраматик услубни яратган. Унда нуткдош оҳангларнинг ифодавийлиги, арияларнинг куйчанлиги, ансамбль шаклларининг ривожланганлиги, оркестр жўрлигининг бойлиги ўзаро қоришиб кетган. «Орфей» (1607), «Поппеягатож кийгизиш» (1642) опералари машҳур.